Rekstur fyrirtækja

Rekstrarráðgjöf hefur að gera með alla þá þætti sem snúa að rekstri fyrirtækja s.s. almenn stefnumótun, stjórnun, tekjugreining, innheimtuferli, stjórnendaupplýsingar, áætlanagerð o.s.frv.

Það ánægjulegasta við rekstrarráðgjöf almennt eru nýsköpunartækifærin sem í henni felast, þ.e. nýsköpun til að gera betur í dag en í gær og ná fram betri árangri og afkomu. Flestar nýsköpunarhugmyndir í heiminum koma fram í fyrirtækjum sem eru nú þegar í rekstri.

Þó að það geti hljómað furðulega þá geta sprottið upp margar nýsköpunarhugmyndir með greiningu á ársreikningi og bókhaldi fyrirtækis. Hugmyndir sem leiða af sér breytingu á vinnulagi, fyrirkomulagi og þar með betri skilvirkni og afkomu.

Þjónustuþættir sem heyra undir rekstur fyrirtækja eru eftirfarandi, ekki er um tæmandi upptalningu að ræða:

Fjárhagsleg markmið

Fjárhagsáætlun inniheldur öll verkefni til að ná fram þeim fjárhagslegu markmiðum sem sett eru upp fyrir viðkomandi rekstur. Fjárhagsáætlun hefur að geyma:

Rekstraráætlun
Efnahagsáætlun
Fjárfestingaáætlun
Sjóðstreymisáætlun
Virðiskrafta (e. value drivers) að baki rekstrinum
Helstu kennitölur/hlutföll
Forsendur, bæði innri og ytri
Fjárhagsleg markmið
Aðrar greiningar eftir þörfum

Áætlun um rekstur, efnahag, fjárfestingar, sjóðstreymi, eigið fé og fleiri fjárhagslega þætti og markmið eru mikilvæg hverjum rekstri, stórum sem smáum. Oft eru markmið sett um að vera betri eða stærri en á síðasta ári og síðan betri eða stærri en áætlað var. Í sjálfu sér er ekkert að slíkum markmiðum en huga þarf að þeim þáttum sem slíkt hefur áhrif á, s.s. hvernig á að fjármagna vöxtinn, hvaða fjárfestingar eru nauðsynlegar o.s.frv. M.ö.o geta markmiðin verið mörg og margvísleg en lokamarkmiðið undir venjulegum kringumstæðum er alltaf að ná fram betri arðsemi á það fjármagn sem bundið er í viðkomandi rekstri.

FRONT Ráðgjöf hefur mikla þekkingu og reynslu að fjárhagsáætlanagerð fyrir allar stærðir og gerðir af fyrirtækjum, s.s. þjónustufyrirtæki með mikla fjárfestingaþörf, framleiðslufyrirtæki, átöppunarfyrirtæki, heildsölufyrirtæki og smásölufyrirtæki.

Stefnumótun

Stefnumótun fyrirtækja er mest unnin af eigendum og/eða stjórnendum á hverjum tíma enda eru þessir hópar best meðvitaðir um tækifæri og aðrar aðstæður sem eru á viðkomandi markaði. Oftar en ekki er samt sem áður kostur að fá utanaðkomandi aðila til að halda utan um þá vinnu á heildrænan hátt og hafa framsetninguna myndræna og lifandi.

Notast er við stefnumótunarmódel þar sem grunnþættir eru skilgreindir ásamt því að horfa til framtíðar. Við stefnumótun þarf að horfa á alla þá hagsmunahópa sem koma að fyrirtækinu. Fyrirtæki er ólík þegar kemur að rekstri og því nauðsynlegt að skoða hvern rekstur út frá hans forsendum þegar stefnumótun er annars vegar.

Rekstrargreining

Rekstrargreining þar sem helstu verkefni í rekstrinum eru greind og sett í samhengi við áhrif þeirra á afkomu og efnahag o.s.frv. Viðkomandi greiningu þarf að meta í hverju verkefni fyrir sig enda mismunandi grunnstoðir og verkefni hvers rekstrar. Markmiðið er að greina þá þætti sem eru grundvöllur fyrir þeim verðmætum sem eru búin til og standa að baki hinni fjárhagslegu afkomu.

Óháð mat á stærðum og hlutföllum í rekstri, efnahag og sjóðstreymi er oft mikilvægt fyrir eigendur og stjórnendur fyrirtækja. Oft er það nú svo að ef rekstur gengur vel, svo ekki sé talað um rekstur umfram jákvæða undirliggandi rekstraráætlun, er ekkert verið að gagnrýna reksturinn eða stjórnendur. En slík stöðutaka og gagnrýni á fullan rétt á sér við góðar jafnt sem slæmar aðstæður, því lengi má gott batna.

Nýting starfsfólks, nýting framleiðsluþátta og nýting fjármagns á alltaf að vera upp á borðum í fyrirtækjarekstri.

Endurskipulagning

Endurskipulagning í rekstri getur verið fjárhagsleg, breyting á hlutverki fyrirtækisins, breyting á stjórnskipulagi, breyting á hluthafahópi o.s.frv. Markmið endurskipulagningar rekstrar er að ná fram betra ástandi á ákveðinni stöðu, ávinningi eða árangri.

FRONT er reiðubúið að hjálpa eigendum og stjórnendum að meta markmið endurskipulagningar og koma með óháð mat á stöðunni og mögulegu ferli.

Kynningar fyrir hagsmunaaðila

Kynningar fyrir hagsmunaaðila á rekstri er mikilvægt verkefni til að tryggja skilning, traust og framkvæmd þeirra verkefna sem liggja fyrir hverju sinni. Einn af mikilvægum þáttum í rekstri fyrirtækja er að setja hluti í rétt og réttmætt samhengi. Með slíku er stigið mikilvægt skref til að tryggja að sem flestir séu að fara í sömu átt inn í framtíðina.